قسم الإقتراحات والشكاوي

السلام عليكم
أولا برحب بيكم وشرف ليا إني أكون موجود وسطكم وإني أكون ترس من تروس عجلة تجمع زي دا أتمناه إن شاء الله يكون مفيد لينا كلنا ويكون أساس لتطوير شغلنا وإن وجودنا يزداد أهمية في أماكنا ونعمل نقلة نوعية في مجالنا
ثانياً بخصوص جانب الإقتراحات كل الموضوعات اللي تيجي في بال أي حد ياريت تتقال لإن إحنا بيكون عندنا تخوف من حاجتين
الأولي من إن يكون المقترح بتاعي ساذج أو بسيط او إن حد يتريق عليا ازاي بقترح حاجه زي كدا
التانية من إن يكون المقترح بتاعي صعب التنفيذ والتطبيق علي أرض الواقع واحيانا تصل إلي حد الإستجابة من وجهة نظري
لا قول كل حاجه ومتخافش ومتتكسفش ومتيأسش حتي لو كان عندك 100 فكرة وطرحتهم ومتنفذش منهم ولا فكرة ايا كانت الأسباب ودا لإننا هنا موجودين كإخوات في الأول والآخر وكمان وارد تكون الفكرة فيها جزء غايب عني وحد يكملهالي وتتنفذ فكرتي بشكل أشمل
كمان لازم كل واحد فينا يحط جواه نية أنه مش بس بيستفاد لوحده ولا إنه بيعمل كدا عشان يتقال عنه كلام كويس وبس.. لا انت هتاخد ثواب كبير جدا لو عملت أي حاجة ولو بسيطة تفيد بيها غيرك وهتلاقي ربنا بييسرلك أمورك في كل حاجه بسبب انك بتفيد غيرك
هستني تفاعلكم وإن شاء الله يكون في أفكار كتير تفيدنا كلنا
ثالثا بخصوص قسم الشكاوي فإحنا عايزين الدنيا هادية ومش عايزين اي دوشة ومحدش يشتكي من حد ولا من المنتدي ولا أي مشكلة بتواجهه إحنا ناس زي الفل ومعندناش أي شكاوي    
يشرفني طبعا إني أكون تحت أمر الجميع في أي وقت
ولو في حاجة مستعجلة رقمي  في البروفايل تحت أمر الجميع في أي وقت من اليوم